देहव्यापारमा संलग्न आरोपमा १६ जना पक्राउ

काठमाडौं । सामाजिक सञ्जालमार्फत ग्राहक खोजी गरी होटलहरूमा यौनजन्य अनैतिक गतिविधि सञ्चालन गर्ने कार्यमा संलग्न रहेको आरोपमा प्रहरीले १६ जनालाई पक्राउ गरेको । 

काठमाडौं बस्ने मकवानपुर मनहरी गाउँपालिका–२ घर भएका ३३ वर्षीय विकास भुलन लगायत १६ जनालाई मंगलबार प्रहरीले पक्राउ गरेको छ । प्रहरी वृत्त गौशाला समेतबाट खटिएको प्रहरीले उनीहरूलाई पक्राउ गरेको हो ।
पक्राउ पर्नेमा मकवानपुर मनहरी–२ का ३३ वर्षीय होटल सञ्चालक विकास भुलन, सर्लाही लालबन्दी–१४ का ३४ वर्षीय सुनिल तामाङ, मकवानपुर बकैया–८ का २८ वर्षीय विवेक स्याङ्तान र काठमाडौं–९ शम्भुमार्ग बस्ने राजकुमार गौतम छन् । यस्तै पेमा लामा, अन्जली धिमाल, लक्ष्मी मगर, सम्झना थापा, एलिना तामाङ, कमलामाया लामा, फुर्वामाया तामाङ, शिवानी सुनार, रोशनी लामा, सपना बम, उमादेवी गुरुङ र प्रिया तामाङलाई पनि नियन्त्रणमा लिइएको काठमाडौं जिल्ला प्रहरी परिसरले जनाएको हो ।  
प्रारम्भिक अनुसन्धानका क्रममा उनीहरूले फेसबुक, ह्वाट्सएप लगायतका माध्यमबाट युवतीहरूको फोटो तथा भिडियो देखाई ग्राहकसँग मोलमोलाई गर्ने, सेटिङ मिलाउने तथा ट्याक्सी र निजी सवारीसाधन प्रयोग गरी गौशाला क्षेत्रको शम्भुमार्ग र बत्तीसपुतली क्षेत्रका विभिन्न होटलमा पु¥याई यौनजन्य गतिविधि गराएको खुल्न आएको जनाइएको छ ।
उनीहरू उपर अभद्र व्यवहार गर्न नहुने कसुरमा म्याद थप अनुमति लिई यस सम्बन्धमा आवश्यक अनुसन्धान गरिरहेको छ ।