शंकास्पद एपबाट सावधान

काठमाडौं । मोबाइलमा जथाभावी एप डाउनलोड गर्दा जोखिम हुने भन्दै नेपाल प्रहरीको साइबर ब्यूरोले सर्वसाधारणलाई सतर्क गराएको छ । विश्वकप फुटबल २०२६ हेर्न सकिने भन्दै प्रचार गरिएका अनावश्यक तथा शंकास्पद ‘एपहरू डाउनलोड’ तथा ‘इन्स्टल’ नगर्न सर्वसाधारणलाई आग्रह गरेको हो ।    ब्यूरोका प्रवक्ता एसपी दिलीपकुमार गिरीद्वारा जारी विज्ञप्तिमा सामाजिक सञ्जाल तथा विभिन्न ‘अनलाइन’ माध्यममार्फत विश्वकप हेर्न सकिने भन्दै ‘एन्ड्रोइड एप इन्स्टल’ गर्न लगाउने, विभिन्न प्रकारका अनुमति माग्ने र त्यसको दुरूपयोग गरी मोबाइल बैंकिङ एप ह्याक गरेर ठगीका घटना बढ्दै गएको उल्लेख छ ।