प्रहरी संगठनमा एकैपटक ४८ एसपीको सरुवा (को कहाँ सरुवा भए ?)

काठमाडौं । नेपाल प्रहरी संगठनभित्र एकैपटक ४८ जना प्रहरी उपरीक्षक (एसपी) लाई स्थानान्तरण गर्ने निर्णय गरिएको छ । भदौ ३१ गतेको निर्णय असोज १ गतेदेखि लागू हुने गरी कार्यान्वयनमा आएको छ ।

यस सरुवामा संगठनको विभिन्न शाखा र प्रदेशस्तरीय कार्यालयबीच महत्त्वपूर्ण हेरफेर भएको छ । अपराध अनुसन्धान कार्यालयमा कार्यरत एसपी अंगुर जीसीलाई बाँके पठाइएका छन् भने त्यहाँका एसपी रामप्रसाद घर्तीमगर कर्णाली प्रदेश प्रहरी कार्यालय, मानवस्रोत व्यवस्थापन महाशाखा सुर्खेततर्फ सरुवा भएका छन् ।

त्यस्तै, अपराध अनुसन्धान शाखाका एसपी अनिल कुमार खड्कालाई मधेश प्रहरी गण धनुषा पठाइएको छ । काठमाडौं प्रहरी परिसरमा कार्यरत एसपी अपिल राज बोहरा भने अब सशस्त्र प्रहरी गण नं. १, नक्शालमा जिम्मेवारी सम्हाल्ने भएका छन् ।