म्याकमुलनको विस्फोटक ब्याटिङमा सुदूरपश्चिमको सहज जित

ब्रान्डन म्याकमुलनको विस्फोटक ब्याटिङमा सुदूरपश्चिम रोयल्सले नेपाल प्रिमियर लिग (एनपीएल) मा चितवन राइनोजलाई ५ विकेटले पराजित गरेको छ ।
चितवनले दिएको १३० रनको लक्ष्य सुदूरपश्चिमले १६.४ ओभरमा ५ विकेट गुमाएर पूरा ग¥यो । सुदूरपश्चिमले २० बल बाँकी छँदै लक्ष्य भेट्टाएको हो ।
सुदूरपश्चिमको जितमा स्कटल्यान्डका ब्याटर ब्रान्डन म्याकमुलनले आक्रामक ब्याटिङ गरे । उनले २१ बलमा ४३ रन बनाए । उनको इनिङ्समा ६ चौका र २ छक्का समावेश थिए । म्याकमुलनले २०४.७६ को स्ट्राइक रेटमा रन बनाएका थिए । उनी प्लेयर अफ द म्याचसमेत घोषित भए ।
सुदूरपश्चिमले सुरुवातदेखि नै आक्रामक ब्याटिङ गरेको थियो । पहिलो विकेटका रूपमा साइफ जैब २ रनमा आउट भए पनि म्याकमुलनले चितवनका बलरमाथि दबाब बनाए । उनले पहिलो ओभरमै रिजन ढकालको बलमा लगातार चौका र छक्का प्रहार गर्दै आफ्नो आक्रामक लय देखाएका थिए ।
बिनोद भण्डारीले ७ बलमा ११ रन बनाएर उनलाई साथ दिए । भण्डारी आउट भएपछि म्याकमुलनले इनिङ्सलाई थप गति दिए । उनले २१ बलमै ४३ रन बनाउँदै टोलीलाई जितको बलियो आधार तयार पारे ।
तर छैटौं ओभरमा रञ्जित कुमारले लगातार दुई बलमा म्याकमुलन र दीपेन्द्रसिंह ऐरीलाई आउट गरेपछि सुदूरपश्चिम केही दबाबमा परेको थियो । ऐरी खाता नखोली आउट भए । त्यसपछि इशान पाण्डे र आरिफ शेखले टोलीको इनिङ्स सम्हाले ।
पाण्डेले २९ बलमा २५ रन बनाए । उनी १२.५ ओभरमा मौसमी ढकालको बलमा एलबीडब्लू आउट भए । आरिफ शेखले अविजित १९ रन बनाए । त्यस्तै शेरफेन रदरफोर्डले १२ बलमा १६ रन जोड्दै टोलीलाई जितसम्म पु-याए । उनले एक चौका र एक छक्का प्रहार गरे ।
चितवनका बलरमध्ये रञ्जित कुमार सबैभन्दा सफल रहे । उनले ४ ओभरमा २८ रन खर्चेर ३ विकेट लिए । रिजन ढकाल र मौसमी ढकालले एक–एक विकेट हात पारे ।
यसअघि पहिले ब्याटिङ गरेको चितवन राइनोजले निर्धारित २० ओभरमा ६ विकेट गुमाएर १२९ रन बनाएको थियो । चितवनले सुदूरपश्चिमसामु प्रतिस्पर्धात्मक लक्ष्य प्रस्तुत गरे पनि उसका बलरले म्याकमुलनको आक्रामक ब्याटिङ रोक्न सकेनन् ।
सुदूरपश्चिमले १६.४ ओभरमै लक्ष्य पूरा गरेपछि पाँच विकेटको जित दर्ता ग¥यो । यस जितसँगै सुदूरपश्चिमले प्रतियोगिताको अंकतालिकामा महŒवपूर्ण अंक जोडेको छ ।

कर्णालीमाथि काठमाडौंको जित
यसअघि काठमाडौं गोर्खाज र कर्णाली याक्सबीच भएको खेलमा याक्सलाई हराउँदै गोर्खाजले प्रतियोगितामा पहिलो जित दर्ता गराएको छ । पहिलो खेलमा काठमाडौंले कर्णाली याक्सलाई चार विकेटले पराजित गर्दै प्रतियोगितामा पहिलो जित दर्ता गराएको हो । काठमाडौं पहिलो खेलमा जनकपुर बोल्ट्ससँग आठ विकेटले पराजित भएको थियो ।
यता कर्णालीको भने लगातार दोस्रो जित पछिको यो पहिलो हार हो । कर्णालीले पहिलो खेलमा जनकपुर बोल्ट्सलाई १९ रनले हराएको थियो भने दोस्रो खेलमा विराटनगर किंग्समाथि चार विकेटको जित निकालेको थियो । 
 कर्णाली याक्सले जितका लागि दिएको १८१ रनको लक्ष्य पच्छाएको काठमाडौंले १९.४ ओभरमा छ विकेट गुमाउँदै पूरा ग¥यो । काठमाडौंका लागि राशिद खानले उत्कृष्ट ब्याटिङ गर्दै ३३ बलमा सर्वाधिक ५० रन बनाए । उनले तीन चौका र दुई छक्का प्रहार गरे । 
त्यसैगरी कप्तान करण केसीले पनि आक्रामक ब्याटिङ गर्दै २० बलमा ४४ रन जोडे । उनले चार चौका र तीन छक्का प्रहार गरे । जाहन्दाद खानले अविजित २२ रन बनाए भने मोहम्मद आदिल आलमले २० रनको योगदान दिए । यता बलिङतर्फ कर्णालीका सोमपाल कामी र हुसेन तलातले समान दुई÷दुई विकेट लिए भने मार्क वाट र नन्दन यादवले समान एक÷एक विकेट हात पारे ।
त्यसअघि टस हारेर पहिले ब्याटिङको निम्तो पाएको कर्णालीले निर्धारित २० ओभरमा छ विकेट गुमाउँदै १८० रनको योगफल बनाएको थियो । कर्णालीका लागि अरिफूल इस्लामले आक्रामक ब्याटिङ गर्दै सर्वाधिक ४४ रन बनाए । उनले २२ बलमा पाँच चौका र तीन छक्का प्रहार गरे ।
त्यस्तै हुसेन तलातले ३० बलमा ४० रन जोड्दा पवन सर्राफले अविजित ३० रन बनाए । गुल्शन झाले २० तथा मार्क वाटले १७ रनको योगदान दिए । काठमाडौंका लागि करण केसीले दुई विकेट लिए भने शाहब आलम, जाहन्दाद खान, देव शाह र सन्तोष यादवले समान एक÷एक विकेट हात पारे । सोही स्थानमा आजै हुने दोस्रो खेलमा सुदूरपश्चिम रोयल्स र चितवन राइनोजबीच प्रतिस्पर्धा हुँदैछ ।