सप्तरीमा बालुवाको अवैध उत्खनन, राज्यको राजस्व गुम्दै

सप्तरी । कञ्चनरूप नगरपालिका–६स्थित पौरा खोलामा अवैध बालुवा उत्खनन भइरहेको पाइएको छ । नगरपालिकाले टेन्डर नलगाएको भएपनि केही व्यक्तिहरूले कानुन मिच्दै बालुवा निकालेर बेच्ने गरेको स्थानीय स्रोतले जानकारी दिएका छन् ।

अवैध उत्खननको अवस्था

स्थानीयले बताएअनुसार, चालु आर्थिक वर्षमा डेढ महिनादेखि बालुवा उत्खनन भइरहेको छ । मंगलबार बिहान अनुसन्धान टोली पुगेका बेला सातभन्दा बढी ट्रयाक्टरमा बालुवा लोड भइरहेको देखियो । टोलीले क्यामरा निकाल्नेबित्तिकै ट्रयाक्टर चालकहरू भागेका थिए ।

उक्त वडाका वडाध्यक्ष बच्चु लाल चौधरीले भने, प्रारम्भिक वातावरणीय मूल्यांकन (एआइई) भए पनि यस आर्थिक वर्षमा नगरपालिकाले टेन्डर नलगाएको बताए ।

अवैध उत्खनन गर्नेको दाबी

उत्खननमा संलग्न उमेश दासले बताएअनुसार, उनले समाजिक छलफलमार्फत बालुवा उत्खनन गरिरहेको दाबी गरका छन् । प्रति ट्रयाक्टर १०० रुपैयाँ स्थानीय विकास कार्यका लागि छुट्याइने गरको उनले बताए । असोज ९ गतेदेखि मसान्तसम्म उनले एक लाख ११ हजार रुपैयाँ समाजमा छुट्याएको दाबी गरका छन् । 

उक्त बालुवाको बजार मूल्य प्रति ट्रयाक्टर करिब ३ हजार रुपैयाँ रहेको हुँदा उनीहरूले मासिक लगभग ५० लाख रुपैयाँ सम्मको कारोबार गरिरहेको अनुमान गरिएको छ । तर यसबाट राज्यले कुनै राजस्व पाएको छैन ।

स्थानीय चिन्ता र सरकारी प्रतिक्रिया

स्थानीयले बालुवा उत्खनन दैनिक १०० ट्रयाक्टरभन्दा बढी हुने जानकारी दिएका छन् । प्रमुख जिल्ला अधिकारी टुवराज पोखरेलले भने, ‘कानुन विपरीत कार्य भए कारबाही हुने छ ।’ नगरपालिका कार्यालयमा प्रमुख र प्रमुख प्रशासकीय अधिकृत अनुपस्थित रहेको र राज्यको नियामक निकायले अनुगमन गरी दोहन रोक्नुपर्ने उल्लेख गरिएको छ ।