उपत्यका
गणेश नेपालीको न्याय माग्दै वीर अस्पताल र माइतीघरमा प्रदर्शन
शनिबार, असार २७, २०८३ १८:१५
काठमाडौं । आत्मदाहको प्रयासपछि उपचारका क्रममा निधन भएका गणेश नेपालीको न्यायको माग गर्दै उनका आफन्त, साथीभाइ तथा समर्थकहरूले शनिबार वीर अस्पतालअगाडि प्रदर्शन गरेका छन् ।
प्रदर्शनमा सहभागीहरूले घटनाको निष्पक्ष छानबिन गरी दोषीमाथि कानुनी कारबाही गर्न तथा गणेश नेपालीलाई न्याय दिलाउन सरकारसँग माग गरेका थिए । प्रदर्शनमा मुगुका पूर्व दलित सभासदहरू, फिल्मकर्मीलगायत विभिन्न क्षेत्रका व्यक्तिहरूको सहभागिता रहेको थियो ।
प्रदर्शनका क्रममा सहभागीहरू सडकतर्फ जान खोजेपछि नेपाल प्रहरीले रोक्ने प्रयास गरेको थियो। त्यस क्रममा केहीबेर प्रदर्शनकारी र प्रहरीबीच धकेलाधकेल भएको थियो ।
यसैगरी जनपक्षीय ट्रेड युनियन महासंघले गणेश नेपालीको आत्मदाहपछि भएको मृत्युको घटनालाई लिएर शनिबार काठमाडौंको माइतीघर मण्डलामा पनि सरकारविरुद्ध प्रदर्शन गरेको छ ।
प्रदर्शनका क्रममा महासंघले गणेश नेपालीलाई आत्मदाह गर्न बाध्य बनाउने परिस्थिति राज्यले सिर्जना गरेको आरोप लगाउँदै सरकारको विरोध गरेको हो ।
प्रदर्शनका क्रममा सहभागीहरूले युवामा बढ्दो निराशा, बेरोजगारी र सामाजिक असुरक्षाका विषयमा सरकारको ध्यानाकर्षण गराउँदै प्रभावकारी समाधानको माग गरेका थिए ।
प्रकाशित मिति: शनिबार, असार २७, २०८३ १८:१५
प्रतिक्रिया दिनुहोस्
थप उपत्यका
पूर्वअर्थमन्त्री पौडेल रिहा
शुक्रबार, साउन १, २०८३
पूर्वअर्थमन्त्री पौडेललाई साधारण तारेखमा छाड्न विशेषको आदेश
शुक्रबार, साउन १, २०८३
पूर्वसांसद कोइरीलाई रिहा आदेश
शुक्रबार, साउन १, २०८३
पूर्वसांसद कोइरीलाई थुनामुक्त गर्न आदेश
बिहीबार, असार ३२, २०८३
भर्खरै
- आजका लागि तरकारी तथा फलफूलको मूल्य निर्धारण
- मधेस प्रदेश सरकारद्वारा ७० प्रतिशत राजस्व सङ्कलन
- फरार अभियुक्त १८ वर्षपछि पक्राउ
- शनिबारका लागि विदेशी मुद्राको विनिमयदर निर्धारण
- डडेल्धुरामा जिप दुर्घटना, दुईको मृत्यु, तीन घाइते
- ‘लेवल’ नभएका ‘फुटवेयर’ विक्रीवितरण नगर्न विभागको निर्देशन
- कमैया मुक्तिको २६ वर्ष : समस्या जहाँको त्यहीँ, पूर्जा छ, श्रेस्ता छैन
- आजको मौसमः भारी वर्षाको सम्भावना, सतर्कता अपनाउन आग्रह
साताको लोकप्रिय
-1784246696.jpg)
