रमेश बडालको राजीनामा, पहिलो महिला महान्यायाधिवक्ता बनिन् सविता भण्डारी

काठमाडौँ, २९ भदौ — नेपालले पहिलोपटक महिला महान्यायाधिवक्ता पाएको छ । राष्ट्रपति रामचन्द्र पौडेलले वरिष्ठ अधिवक्ता सविता भण्डारी बराललाई यो पदमा नियुक्त गरेका हुन् ।

प्रधानमन्त्री सुशीला कार्कीको सिफारिसमा राष्ट्रपति पौडेलले संविधानको धारा १५७ को उपधारा (२) अनुसार भण्डारीलाई नियुक्त गरेका हुन् । यसअघि महान्यायाधिवक्ता रमेश बडालले पदबाट राजीनामा दिएका थिए । ओली नेतृत्वको सरकार ढलेपछि बडालले आइतबार राजीनामा दिएका थिए, जुन स्वीकृत भएपछि भण्डारीलाई जिम्मेवारी दिइएको हो ।

भण्डारीको नियुक्तिसँगै नेपालको न्याय क्षेत्रमा नयाँ अध्याय खुलेको मानिएको छ । महान्यायाधिवक्ता भण्डारीले अब राज्यका तर्फबाट सर्वोच्च अदालतमा सरकारको पक्षसम्बन्धी मुद्दा प्रतिनिधित्व गर्नेछिन् ।