अर्थतन्त्र
दशैंमा मुस्ताङ हुँदै ३५ करोड बराबरका भेडा च्याङ्ग्रा निकासी
सोमबार, कात्तिक २, २०८३ ०७:०४
मुस्ताङ । यसपालीको दशैंको अवसरमा मुस्ताङ हुँदै रु ३५ करोड मूल्य बराबरका भेडा तथा च्याङ्ग्रा निकासी भएको छ । कृषि तथा पशु विकास कार्यालयका अनुसार यसवर्ष उक्त मूल्य बराबरका १३ हजार २७९ भेडा च्याङ्ग्रा मुस्ताङ हुँदै बाहिरिएका छन् ।
कार्यालयका प्रमुख डा लालमणि अर्यालका अनुसार मुस्ताङ मार्ग हुँदै ११ हजार १६४ च्याङ्ग्रा र दुई हजार ११५ वटा भेडा बिक्रीका लागि बेसीतर्फ झारिएको हो । उनले मुस्ताङबाट रु २२ करोडभन्दा बढी र कर्णाली प्रदेशको डोल्पा, मुगु र जुम्लाबाट रु १३ करोड मुल्य बराबरको भेडा, च्याङ्ग्रा र च्यालु (माउ) यही बाटो हुँदै निकासी भएको जानकारी दिए ।
कार्यालयका अनुसार मुस्ताङबाट मात्रै सात हजार ९६४ च्याङ्ग्रा र एक हजार २०४ भेडा निकासी भएको छ । जसमध्ये मुस्ताङका किसानले पालेको खोरपाला र तिब्बतबाट कोरलानाका हुँदै भित्र्याइएका ४०० भन्दाबढी भेडा च्याङ्ग्रा मुस्ताङका व्यापारीहरुले पोखरा र काठमाडौँलगायतका स्थानमा निकासी गरेका छन् ।
यसैगरी डोल्पाबाट दुई हजार ६८० च्याङ्ग्रा र ८७१ भेडा, जुम्लाबाट ३०० च्याङ्ग्रा र मुगुबाट ३२० च्याङ्ग्रा र ४० वटा भेडा निकासी गरिएको छ । कार्यालयका अनुसार यसवर्ष च्याङ्ग्राको औसत मूल्य रु ३३ हजार, भेडाको रु २२ हजार र च्यालु (रमा÷माउ)को रु १० हजार कायम गरी निकासी गरिएको हो । रासस
प्रकाशित मिति: सोमबार, कात्तिक २, २०८३ ०७:०४
प्रतिक्रिया दिनुहोस्
थप अर्थतन्त्र
चितवनमा ३० करोडभन्दा बढीको खसी व्यापार
आइतबार, कात्तिक १, २०८३
एनआरएनए दिवस तथा शुभकामना साटासाट कार्यक्रम सम्पन्न
शनिबार, असोज ३१, २०८३
महासंघ अध्यक्ष निकोलस पाण्डेद्वारा झोलुङ्गे पुल उद्घाटन, पुल सञ्चालनपछि हजारौं लाभान्वित
शनिबार, असोज ३१, २०८३
भर्खरै
- दशैंमा मुस्ताङ हुँदै ३५ करोड बराबरका भेडा च्याङ्ग्रा निकासी
- सिन्धुली सुमो दुर्घटनाका मृतक, बेपत्ता र घाइतेको पहिचान खुल्यो
- नेपाली महिला यु–१९ क्रिकेट टोलीको बन्द प्रशिक्षण भैरहवामा
- ‘दसैँ गाउँमै रमाइलो’
- नवरात्रको नवौँ दिन : तिथि वृद्धिले आज पनि महाअष्टमीकै कर्म दोहोर्याउनुपर्ने
- देशका विभिन्न स्थानमा भएका सवारी दुर्घटनामा नौ जनाको मृत्यु
- अटो दुर्घटना हुँदा एक जनाको मृत्यु, सात घाइते
- नवरात्रको आज आठौँ दिन देवी महागौरीको विधिपूर्वक पूजा-आराधना सम्पन्न
साताको लोकप्रिय
