आइजीआई प्रुडेन्सियल ५ प्रतिशत लाभांश दिने

काठमाडौं – आइजीआइ प्रुडेन्सियल इन्स्यारेन्सले लगानीकर्ताहरूलाई ५ प्रतिशत लाभांश दिने भएको छ । काठमाडौंको नक्सालमा बिहीबार भएको कम्पनीको २८औं वार्षिक साधारण सभामा लाभांश प्रस्ताव सर्वसम्मतिले पारित गरेको हो । 

पानीपोखरीमा २ तल्ला पार्किङ्ग सहित ११ तल्लाको कम्पनीको आफ्नै भवन निर्माण भइसकेकाले माघ महिना भित्र प्रधान कार्यालय सर्ने जानकारी सभामा दिइयो । कम्पनीको प्रधान कार्यालय हाल नारायणचौर, नक्सालमा छ । 

कम्पनीका अध्यक्ष हेमराज ढकालका अनुसार सरकारले अघि बढाइरहेका नीतिगत पहलकदमी, आर्थिक सूचकांकहरूमा देखिन थालेको र क्रमिक सुधार तथा शेयर बजारमा देखिएको सकारात्मक संकेतले समग्र आर्थिक गतिविधि क्रमशः सुदृढ हुंदै जाने अपेक्षा गर्दै दीर्घकालीन रुपमा व्यवसायिक वातावरणमा पनि सकारात्मक प्रभाव पार्ने विचार उनले राखे ।