अध्ययन पूरा गरेका विद्यार्थीलाई बिदाइ

काठमाडौं । भक्तपुरको चाँगुनारायण–४ स्थित नेपाल इन्जिनियरिङ कलेजले विभिन्न विषयमा इन्जिनियरिङ अध्ययन पूरा गरेका विद्यार्थीलाई बिदाइ गरेको छ । 
कार्यक्रममा २०२० ब्याचका बीई सिभिल इन्जिनियरिङ (डिप्लोमा होल्डरतर्फ) तथा २०२१ ब्याचका बीई सिभिल, सिभिल एन्ड रुरल, कम्प्युटर, इलेक्ट्रिकल एन्ड इलेक्ट्रोनिक्स तथा इलेक्ट्रोनिक्स एन्ड कम्युनिकेसन इन्जिनियरिङका विद्यार्थी सहभागी भए । कलेजका पदाधिकारी, शिक्षक, विद्यार्थी तथा अभिभावकले बिदाइ गरका हुन् । 
प्रमुख अतिथि पोखरा विश्वविद्यालय विज्ञान तथा प्रविधि संकायका डीन प्राध्यापक राजेशकुमार ठकुरानीले इन्जिनियरिङ भनेको समस्याको  समाधान खोज्ने शिक्षा भएको बताए । चाँंगुनारायण नगरप्रमुख एवं कलेज व्यवस्थापन समितिका अध्यक्ष जीवन खत्रीले विद्यार्थीलाई आफूले सिकेको ज्ञान देश र समाजको हितमा उपयोग गर्न अनुरोध गरे ।
कलेजका कार्यबाहक प्राचार्य मोहनध्वज केसीले पढाई पूरा गरी फिल्डमा जान लागेका विद्यार्थीलाई आफूले सिकेको शीपको सही सदुपयोग गर्न निर्देशन दिए । कार्यक्रममा विद्यार्थीहरूले कलेजमा रहँदाका अनुभव  सुनाएका थिए ।