रेशमको रिटमा अन्तरिम आदेश दिन अस्वीकार

काठमाडौं । रेशम चौधरीले उम्मेदवार बन्न नपाउने भएका छन् । सर्वोच्च अदालतले नागरिक उन्मुक्ति पार्टी, नेपालका संरक्षक चौधरीलाई कैलाली क्षेत्र नं १ बाट उम्मेदवार बन्न दिनुपर्ने माग गर्दै दायर रिट निवेदनमा अन्तरिम आदेश दिन अस्वीकार गरेको हो । 

न्यायाधीशद्वय सारङ्गा सुवेदी र टेकप्रसाद ढुंगाानाको इजलासले आइतबार उक्त विवादमा सुनुवाइपछि अन्तरिम आदेश जारी गर्न अस्वीकार गरेको हो । आदेशमा भनिएको छ, ‘उक्त संवैधानिक एवं कानुनी व्यवस्थाको व्याख्या प्रस्तुत रिट निवेदनको अन्तिम सुनुवाइको बखत हुने हुँदा सुविधा सन्तुलनको दृष्टिबाट मागबमोजिम अन्तरिम आदेश जारी गर्नुपर्ने अवस्था देखिएन । नियमानुसार पेस गर्नू ।’

चौधरीको उम्मेदवारीविरुद्ध निर्वाचन आयोगमा उजुरी परेको थियो । कैलाली–१ का निर्वाचन अधिकृतले उनको उम्मेदवारी खारेज गरेपछि उक्त निर्णयविरूद्ध चौधरी सरुट लिएर सर्वोच्च अदालत पुगेका थिए । रासस