यस्तो छ आज २०८३ असोज २ गते शुक्रबारको राशिफल

मेष
जोखिमपूर्ण काममा सतर्कता अपनाउनुहोला । सवारीसाधन चलाउँदा वा यात्रा गर्दा ध्यान दिनु उपयुक्त हुन्छ । गोप्य योजनाहरू समय नपुगी अरूलाई नखुलाउनुहोला ।

वृष
दैनिक कार्यमा केही ढिलाइ हुन सक्छ, तर धैर्य राख्दा प्रतिफल राम्रो मिल्नेछ । स्वास्थ्यमा सामान्य मौसमी समस्या देखिन सक्छ । खर्चमा नियन्त्रण राख्नु बुद्धिमानी हुनेछ ।

मिथुन
साथीभाइसँगको भेटघाटले मन प्रसन्न बनाउनेछ । बौद्धिक तथा रचनात्मक काममा सफलता मिल्ने दिन छ । प्रेम सम्बन्धमा निकटता बढ्नेछ र यात्राको सम्भावना देखिन्छ ।

कर्कट
घरायसी विषयमा ध्यान केन्द्रित हुनेछ । कार्यक्षेत्रमा सहकर्मीहरूको सहयोगले महŒवपूर्ण काम सम्पन्न हुनेछ । अनावश्यक चिन्ता त्यागेर काममा ध्यान दिनुहोला ।

सिंह
पराक्रम र आत्मविश्वास बढ्नेछ । छोटो दूरीको फलदायी यात्रा हुन सक्छ । दाजुभाइ तथा इष्टमित्रबाट सहयोग प्राप्त हुनेछ । सामाजिक काममा रुचि बढ्नेछ ।

कन्या
आर्थिक लाभका नयाँ अवसरहरू मिल्नेछन् । कुटुम्ब तथा आफन्तसँग रमाइलो समय बित्नेछ । खानपानमा विशेष ध्यान दिनुहोला । लगानीको लागि समय अनुकूल छ ।

तुला
तपाईंको कार्यशैलीको प्रशंसा हुनेछ । नयाँ योजना सुरु गर्न उपयुक्त दिन छ । दाम्पत्य जीवन सुखद रहनेछ भने व्यक्तित्व विकासका अवसरहरू जुट्नेछन् ।

वृश्चिक
खर्च केही बढ्न सक्ने भएकाले बजेट बनाएर चल्नुहोला । गोपनीयता जोगाएर काम गर्नु फाइदाजनक हुनेछ । वैदेशिक क्षेत्रसँग सम्बन्धित काममा प्रगति हुनेछ ।

धनु
आम्दानीका स्रोतहरू खुल्नेछन् र रोकिएको धन फिर्ता आउन सक्छ । अग्रजहरूको मार्गदर्शनले सही निर्णय लिन मद्दत गर्नेछ । नयाँ मित्रहरूसँग सम्बन्ध विस्तार हुनेछ ।

मकर
कर्मक्षेत्रमा उच्च पदस्थ व्यक्तिहरूको साथ मिल्नेछ । नयाँ रोजगारी वा व्यापारको अवसर मिल्न सक्छ । मान–प्रतिष्ठा बढ्नेछ । पिताको सहयोग लाभदायक साबित हुनेछ ।

कुम्भ
भाग्यले साथ दिनेछ । धार्मिक तथा आध्यात्मिक काममा रुचि बढ्नेछ । रोकिएका कानुनी वा प्रशासनिक उल्झनहरू सुल्झिनेछन् । अध्ययन–अध्यापनमा प्रगति हुनेछ ।

मीन
रोकिएका कामहरू बन्नाले मनमा उत्साह थपिनेछ । नयाँ जिम्मेवारी प्राप्त हुन सक्छ । आर्थिक पक्ष सबल रहनेछ भने पारिवारिक सहयोग मिल्नेछ । बोलीमा भने संयम राख्नुहोला ।