महालक्ष्मी विकास बैंक पुनः आईएसओ प्रमाणित

काठमाडौं (संवाददाता)– महालक्ष्मी विकास बैंक लिमिटेड अन्तर्राष्ट्रिय स्तरमा मान्यताप्राप्त आईएसओ ९००१ः२०१५ गुणस्तर व्यवस्थापन प्रणालीबाट पुनः प्रमाणित भएको छ । गुणस्तर व्यवस्थापनमा अन्तर्राष्ट्रिय मापदण्डअनुरूप सेवा प्रदान गर्न सक्षम भएको आधारमा बैंकलाई २०८१ साउन ३२ गतेदेखि लागू हुनेगरी प्रमाणपत्र प्रदान गरिएको थियो । त्यसपछि भदौमा सम्पन्न पहिलो सर्भिलियन्स अडिटबाट बैंक पुनः प्रमाणित हुन सफल भएको हो ।

महालक्ष्मी विकास बैंकले ‘प्रोभिजन अफ डेभलपमेन्ट एक्टिभिटिज’अन्तर्गत उक्त प्रमाणपत्र प्राप्त गरेको हो । यस प्रकारको अन्तर्राष्ट्रिय प्रमाणपत्र हासिल गर्ने विकास बैंकहरूमध्ये महालक्ष्मी अग्रणी बैंक बनेको बिहीबार जारी विज्ञप्तिमा उल्लेख छ । आइएसओ प्रमाणपत्र त्यस्ता संस्थालाई प्रदान गरिन्छ, जसले अन्तर्राष्ट्रिय स्तरको गुणस्तर व्यवस्थापन प्रणाली कायम गर्दै निरन्तर सेवा सुधार, ग्राहक सन्तुष्टि र पारदर्शी सञ्चालन सुनिश्चित गर्न सफल हुन्छन् । यसका लागि बैंकका नीति, नियम, कार्यप्रणाली, अभिलेखीकरण र समग्र व्यवस्थापन प्रणालीको विस्तृत अडिट गरिएको थियो ।

‘सबल बैंक, सफल सहकार्य’ भन्ने नारासहित सञ्चालनमा रहेको महालक्ष्मी विकास बैंकले विगत ३१ वर्षदेखि ग्राहकलाई गुणस्तरीय वित्तीय सेवा प्रदान गर्दै आएको छ । बैंकका देशभर ८ लाखभन्दा बढी ग्राहक छन् । यो उपलब्धिस“गै बैंकले आफ्नो सेवाको स्तरलाई अझ सुदृढ बनाउ“दै भविष्यमा पनि ग्राहक सन्तुष्टि र पारदर्शी सेवा प्रणालीमा निरन्तर सुधार गर्ने प्रतिबद्धता जनाएको छ ।