यस्तो छ आज २०८२ चैत २० गते शुक्रबारको राशिफल

 मेष (चु, चे, चो, ला, लि, लु, ले, लो, अ) 
आजको दिन तपाईंको लागि उत्साहजनक रहनेछ । रोकिएका अधुरा कामहरू पूरा हुनेछन् । व्यापार र व्यवसायमा राम्रो आम्दानी हुने योग छ । पारिवारिक सम्बन्ध सुमधुर रहनेछ भने साथीभाइको साथ र सहयोगले मन प्रसन्न रहनेछ ।

 वृष (इ, उ, ए, ओ, वा, वि, वु, वे, वो) 
स्वास्थ्यमा सामान्य समस्या देखिन सक्छ, त्यसैले खानपानमा ध्यान दिनुहोला । अनावश्यक खर्च बढ्ने डर छ, आर्थिक लेनदेन गर्दा सचेत रहनुहोला । टाढाको यात्रा गर्ने योजना छ भने सावधानी अपनाउनु उपयुक्त हुनेछ ।

 मिथुन (का, कि, कु, घ, ङ, छ, के, को, हा) 
तपाईंका लागि आजको दिन निकै लाभदायक छ । नयाँ अवसरहरू हात लाग्न सक्छन् । सामाजिक कार्यमा रुचि बढ्नेछ र मान–सम्मान पाइनेछ । विद्यार्थी वर्गका लागि अध्ययन अध्यापनमा प्रगति हुने समय छ ।

 कर्कट (हि, हु, हे, हो, डा, डि, डु, डे, डो) 
पारिवारिक सुख प्राप्त हुनेछ । रोकिएका सरकारी कामहरू बन्नेछन् । रोजगारीको क्षेत्रमा नयाँ जिम्मेवारी मिल्न सक्छ । प्रेम जीवन सुखमय रहनेछ र जीवनसाथीको पूर्ण सहयोग प्राप्त हुनेछ ।

 सिंह (मा, मि, मु, मे, मो, टा, टि, टु, टे) 
भाग्यले साथ दिनेछ । धार्मिक र आध्यात्मिक कार्यमा मन जानेछ । लामो समयदेखि रोकिएको धन फिर्ता आउन सक्छ । वैदेशिक क्षेत्रसँग सम्बन्धित कामहरूमा सफलता मिल्ने देखिन्छ ।

 कन्या (पा, पि, पु, ष, ण, ठ, पे, पो) 
आज केही चुनौतीहरूको सामना गर्नुपर्ने हुन सक्छ । मानसिक तनाव बढ्न सक्ने भएकाले धैर्य रहनुहोला । कार्यक्षेत्रमा विवाद हुन सक्ने भएकाले बोलीमा संयम अपनाउनुहोला । नयाँ लगानीका लागि आज उपयुक्त समय छैन ।

 तुला (रा, रि, रु, रे, रो, ता, ति, तु, ते) 
दिन रमाइलो र सुखद रहनेछ । विलासी वस्तुको खरिद गर्ने योग छ । व्यावसायिक यात्रा सफल रहनेछ । विपरीत लिङ्गी साथीबाट सहयोग मिल्नेछ । वैवाहिक जीवनमा मधुरता छाउनेछ ।

 वृश्चिक (तो, ना, नि, नु, ने, नो, या, यि, यु) 
तपाईंको प्रभाव र पराक्रम बढ्नेछ । शत्रुहरू परास्त हुनेछन् र मुद्दा–मामिलामा विजय प्राप्त हुनेछ । स्वास्थ्य राम्रो रहनेछ । रोकिएका पुराना कामहरू आज फत्ते हुन सक्छन् ।

 धनु (ये, यो, भा, भि, भु, धा, फा, ढा, भे) 
बौद्धिक कार्यमा सफलता मिल्नेछ । सन्तान पक्षबाट खुसीको खबर सुन्न पाइनेछ । नयाँ ज्ञान सिक्ने अवसर प्राप्त हुनेछ । शेयर बजार वा चिट्ठाबाट सामान्य लाभ हुने सम्भावना देखिन्छ ।

 मकर (भो, जा, जि, जु, जे, जो, ख, खि, खु, खे, खो, गा, गि) 
पारिवारिक समस्याले केही चिन्ता बढाउन सक्छ । घरजग्गा वा सवारी साधनको विषयमा विवाद हुन सक्छ । आमाको स्वास्थ्यमा ध्यान दिनुहोला । काममा ढिलासुस्ती हुनाले मन खिन्न हुन सक्छ ।

 कुम्भ (गु, गे, गो, सा, सि, सु, से, सो, दा) 
आत्मविश्वास बढ्नेछ । दाजुभाइ र छिमेकीसँगको सम्बन्ध सुधारिनेछ । छोटो दुरीको लाभदायक यात्रा हुन सक्छ । नयाँ व्यवसाय सुरु गर्नका लागि आजको दिन शुभ छ ।

 मीन (दि, दु, थ, झ, ञ, दे, दो, चा, चि) 
आर्थिक पक्ष बलियो रहनेछ । मिठो भोजनको आनन्द लिन पाउनुहुनेछ । बोलीको प्रभावले अरूलाई प्रभावित पार्न सफल हुनुहुनेछ । गहना वा धन सञ्चय गर्ने अवसर जुर्नेछ ।