यस्तो छ आज २०८३ वैशाख १८ गते शुक्रबारको राशिफल

मेष
आजको दिन निकै ऊर्जावान् रहनेछ । रोकिएका पुराना कामहरूले गति लिनेछन् भने नयाँ योजनाको खाका कोर्नका लागि समय उपयुक्त छ । विशेषगरी सामाजिक कार्यमा संलग्न हुने अवसर मिल्नेछ र तपाईंको नेतृत्वको प्रशंसा हुनेछ । मित्रजनको सहयोगले जटिल कार्यहरू सहजै सुल्झिनेछन् ।

वृष
आर्थिक दृष्टिकोणले आजको दिन लाभदायी देखिएको छ । स्थिर सम्पत्ति वा सेयर बजारमा गरिएको लगानीबाट राम्रो प्रतिफल मिल्ने सम्भावना छ । बोलीको प्रभाव बढ्ने भएकाले व्यावसायिक वार्तामा सफलता मिल्नेछ । पारिवारिक वातावरण सुखद रहनेछ र मिष्ठान्न भोजनको योग बनेको छ ।

मिथुन
तपाईंको आत्मविश्वास र हिम्मत बढ्ने समय छ । नयाँ वस्त्र वा गहना खरिद गर्ने योग देखिन्छ । कार्यक्षेत्रमा देखिएका अड्चनहरू हटेर जानेछन् । व्यक्तित्व विकासका लागि गरिएका प्रयासहरू सफल हुनेछन् । व्यापार र व्यवसायमा सोचेभन्दा बढी प्रगति हुनाले मन प्रसन्न रहनेछ ।

कर्कट
आज खर्चको मात्रा अलि बढ्न सक्छ, त्यसैले विलासिताका वस्तुमा लगानी गर्दा सोचविचार गर्नुहोला । वैदेशिक क्षेत्रसँग सम्बन्धित कामहरूमा भने प्रगति हुनेछ । लामो दूरीको यात्राको सम्भावना छ । केही समय एकान्त वा आध्यात्मिक चिन्तनमा बिताउँदा मानसिक शान्ति मिल्नेछ ।

सिंह
आजको दिन आम्दानीका नयाँ बाटाहरू खुल्नेछन् । सरकारी वा पैतृक धन हात लाग्ने योग छ । दाजुभाइ तथा इष्टमित्रबाट पूर्ण सहयोग प्राप्त हुनेछ । रोकिएको काम बनेपछि आर्थिक राहत महसुस हुनेछ । प्रेम सम्बन्धमा निकटता बढ्नेछ भने विद्यार्थी वर्गका लागि नतिजा सुखद रहनेछ ।

कन्या
सरकारी वा प्रशासनिक कार्यमा सफलता मिल्नेछ । सामाजिक प्रतिष्ठा र पदोन्नतिको अवसर प्राप्त हुन सक्छ । नयाँ जिम्मेवारी सम्हाल्ने मौका मिल्नेछ जसले भविष्यको बाटो तय गर्नेछ । अभिभावकको मार्गदर्शनले महत्त्वपूर्ण निर्णय लिन सहज हुनेछ । व्यापारमा ठूलो सम्झौता हुने समय छ ।

तुला
भाग्यले साथ दिने हुनाले थोरै मिहिनेतले पनि ठूलो उपलब्धि हात लाग्नेछ । धार्मिक तथा मांगलिक कार्यमा सहभागी हुने अवसर मिल्नेछ । अध्ययन अध्यापनमा रुचि बढ्नेछ र टाढाको यात्रा फलदायी हुनेछ । परोपकारी कार्यमा मन जानेछ र समाजमा तपाईंको पहिचान स्थापित हुनेछ ।

वृश्चिक
आज केही प्रतिकूल परिस्थितिको सामना गर्नुपर्ने हुन सक्छ । स्वास्थ्यमा सामान्य समस्या देखिन सक्ने भएकाले खानपानमा सचेत रहनुहोला । काममा अनावश्यक ढिलासुस्ती हुनाले मन खिन्न हुन सक्छ । यद्यपि, धैर्यतापूर्वक काम गर्दा साँझसम्ममा केही सकारात्मक परिणामहरू देखिन थाल्नेछन् ।

धनु
दाम्पत्य जीवनमा मधुरता छाउनेछ । जीवनसाथीको सल्लाह र सहयोगले व्यावसायिक सफलता मिल्नेछ । नयाँ व्यावसायिक साझेदारीका लागि सम्झौता हुन सक्छ । यात्रा मनोरञ्जनपूर्ण रहनेछ । लामो समयदेखि भेट नभएका प्रिय व्यक्तिसँगको मिलनले दिनलाई थप विशेष बनाउनेछ ।

मकर
आज तपाईंको साहस र पराक्रमले विजय दिलाउनेछ । प्रतिस्पर्धीहरूलाई पछि पार्दै आफ्नो प्रभाव जमाउन सफल हुनुहुनेछ । पुराना ऋणहरू चुक्ता गर्न सहज हुनेछ । स्वास्थ्यमा देखिएका समस्याहरू क्रमिक रूपमा सुधार हुँदै जानेछन् । अदालती वा कानुनी मामिलामा तपाईंको पक्ष सबल रहनेछ ।

कुम्भ
बौद्धिक र सिर्जनात्मक क्षमताको विकास हुनेछ । सन्तानको प्रगतिले गौरव महसुस गराउनेछ । कला र साहित्यको क्षेत्रमा रुचि हुनेहरूका लागि आजको दिन विशेष उपलब्धीमूलक रहनेछ । प्रेम जीवनमा नयाँ ऊर्जा सञ्चार हुनेछ । विद्यार्थीहरूले आफ्नो प्रतिभा प्रदर्शन गर्ने उचित अवसर पाउनेछन् ।

मीन
घरायसी वातावरणमा केही उतारचढाव देखिन सक्छ । आफन्तसँगको असमझदारीले मनलाई केही अशान्त बनाउन सक्छ । जग्गाजमिन वा सवारी साधनको कारोबारमा सावधानी अपनाउनु होला । आमाको स्वास्थ्य र सुखका लागि केही खर्च हुन सक्छ । हतारमा निर्णय लिनुभन्दा अनुभवीको सल्लाह लिनु हितकर हुनेछ ।