यस्तो छ आज २०८३ वैशाख २० गते आइतबारको राशिफल

मेष
आजको दिन नयाँ उत्साहका साथ सुरु हुनेछ । कार्यक्षेत्रमा देखिएका पुराना बाधाहरू हट्नेछन् र महत्वपूर्ण निर्णय लिनका लागि समय अनुकूल छ । आर्थिक लाभको योग रहेकाले रोकिएका कामहरूले गति लिनेछन् । मित्रजनको सहयोगले वैदेशिक क्षेत्रका योजनाहरू सफल हुने देखिन्छ ।

वृष
आर्थिक कारोबारमा आज विशेष सावधानी अपनाउनु होला । बोलीको प्रभाव बढ्ने भएकाले सामाजिक र व्यावसायिक क्षेत्रमा तपाईंको कुराको कदर हुनेछ । परिवारमा मांगलिक कार्यको चर्चा चल्न सक्छ । खानपानमा नियन्त्रण नगर्दा स्वास्थ्यमा सामान्य समस्या देखिन सक्ने भएकाले सचेत रहनुहोला ।

मिथुन
आजको दिन आत्मविश्वासमा वृद्धि हुनेछ । नयाँ कामको थालनी गर्न वा लगानी बढाउनका लागि समय उत्तम छ । विलासिताका वस्तुहरू खरिद गर्ने योजना बन्न सक्छ । प्रेम सम्बन्धमा रहेकाहरूका लागि आजको दिन यादगार रहनेछ । व्यापार व्यवसायमा सोचेभन्दा राम्रो मुनाफा आर्जन हुनेछ ।

कर्कट
खर्चको मात्रा बढ्न सक्ने भएकाले बजेट सन्तुलनमा ध्यान दिनुहोला । अनावश्यक विवाद र प्रतिस्पर्धाबाट टाढै रहनु हितकर हुनेछ । टाढाको यात्राको योग छ, जसले भविष्यमा फाइदा पु¥याउन सक्छ । केही समय एकान्तमा बसेर गरिने आत्मचिन्तनले मानसिक शान्ति प्रदान गर्नेछ ।

सिंह
आजको दिन आम्दानीका विभिन्न स्रोतहरू फेला पर्नेछन् । रोकिएको धन हात पर्ने सम्भावना छ र पुराना लगानीबाट फाइदा मिल्नेछ । दाजुभाइ तथा इष्टमित्रबाट पूर्ण सहयोग प्राप्त हुनेछ । सामाजिक प्रतिष्ठा बढ्नेछ भने विद्यार्थी वर्गका लागि अध्ययनमा अभूतपूर्व सफलता मिल्ने समय छ ।

कन्या
कर्मक्षेत्रमा तपाईंको बर्चस्व कायम रहनेछ । नयाँ रोजगारीको अवसर वा पदोन्नतिको योग बनेको छ । सरकारी काममा ढिलासुस्ती हटेर सफलता मिल्नेछ । अभिभावकको मार्गदर्शनले महत्त्वपूर्ण निर्णय लिन सहज बनाउनेछ । समाजमा नेतृत्वदायी भूमिका निर्वाह गर्ने अवसर प्राप्त हुनेछ ।

तुला
भाग्यले साथ दिने समय भएकाले अधुरा कामहरू सहजै सम्पन्न हुनेछन् । धार्मिक र आध्यात्मिक कार्यमा रुचि बढ्नेछ । लामो दूरीको लाभदायक यात्राको सम्भावना छ । उच्च शिक्षा अध्ययनरत विद्यार्थीहरूका लागि समय फलदायी रहनेछ । परोपकारी कार्यमा संलग्न हुँदा आत्मसन्तुष्टि मिल्नेछ ।

वृश्चिक
आजको दिन केही चुनौतीपूर्ण रहन सक्छ । स्वास्थ्यमा सामान्य उतारचढाव आउने भएकाले आहारविहारमा ध्यान दिनुहोला । गोप्य कुराहरू बाहिर आउन सक्ने डर भएकाले सतर्क रहनुहोला । यद्यपि, साँझपख आकस्मिक धन लाभको सम्भावना छ । धैर्यतापूर्वक काम गर्दा परिस्थिति अनुकूल बन्दै जानेछ ।

धनु
दाम्पत्य सुख र प्रेम सम्बन्धमा नयाँ आयाम थपिनेछ । जीवनसाथीको सहयोगले जटिल कार्यहरू सहजै सुल्झिनेछन् । साझेदारीमा गरिएका व्यापारबाट राम्रो प्रतिफल मिल्नेछ । नयाँ मानिससँगको भेटघाटले व्यावसायिक नेटवर्क विस्तार गर्न मद्दत गर्नेछ । यात्रा र मनोरञ्जनमा समय बित्नेछ ।

मकर
शत्रुहरू परास्त हुनेछन् र तपाईंविरुद्ध सक्रिय रहेकाहरू आफैँ पछि हट्नेछन् । शारीरिक स्फूर्ति र साहस बढ्नेछ । पुराना ऋणहरू चुक्ता गर्नका लागि अनुकूल समय छ । अदालती वा कानुनी मामिलामा तपाईंको पक्ष सबल रहनेछ । मिहिनेतको उचित कदर हुने र कार्यसम्पादनमा सुधार आउनेछ ।

कुम्भ
बौद्धिक र रचनात्मक क्षमताको उच्च कदर हुनेछ । सन्तानका तर्फबाट शुभ समाचार सुन्न पाइनेछ । सिर्जनात्मक कार्य र कला क्षेत्रमा संलग्नहरूका लागि आजको दिन विशेष उपलब्धीमूलक रहनेछ । प्रेम जीवनमा मधुरता छाउनेछ । नयाँ ज्ञान सिक्ने वा सीप सिक्ने अवसर मिल्नेछ ।

मीन
घरायसी कामकाजमा बढी व्यस्त रहनुपर्ने हुन सक्छ । आमाको स्वास्थ्यमा विशेष ध्यान दिनुहोला । घरजग्गा वा सवारी साधनको कारोबारमा सावधानी अपनाउनु पर्नेछ । साथीभाइसँगको असमझदारीले मनलाई केही अशान्त बनाउन सक्छ, त्यसैले हतारमा प्रतिक्रिया नदिनु नै बुद्धिमानी हुनेछ ।