यस्तो छ आज २०८३ वैशाख २९ गते मंगलबारको राशिफल

मेष (चु, चे, चो, ला, लि, लु, ले, लो, अ)
आजको दिन जोश र जाँगर बढ्नेछ । नयाँ कार्यको थालनी गर्ने अवसर प्राप्त हुनुका साथै रोकिएका कामहरूले गति लिनेछन् । साथीभाइको सहयोग प्राप्त हुनेछ तर हतारमा निर्णय लिँदा सानो गल्तीले समस्या निम्त्याउन सक्छ, त्यसैले सावधानी अपनाउनुहोला ।

वृष (इ, उ, ए, ओ, वा, वि, वु, वे, वो)
आर्थिक दृष्टिकोणले आजको दिन लाभदायी रहने देखिन्छ । लगानी गरेका क्षेत्रबाट प्रतिफल प्राप्त हुनेछ । पारिवारिक सुख र शान्ति कायम रहनेछ । मिष्ठान्न भोजनको अवसर मिल्नेछ । स्वास्थ्यमा भने केही आलस्य महसुस हुन सक्छ, खानपानमा सजग रहनुहोला ।

मिथुन (का, कि, कु, घ, ङ, छ, के, को, हा)
बौद्धिक कार्यमा सफलता मिल्नेछ । लेखन तथा रचनात्मक क्षेत्रमा लागेकाहरूका लागि समय अनुकूल छ । मान–सम्मान बढ्नेछ । व्यवसायमा नयाँ योजना बुन्न सकिनेछ । प्रेम सम्बन्धमा निकटता आउनेछ र पुराना साथीभाइसँगको भेटघाटले मन प्रसन्न पार्नेछ ।

कर्कट (हि, हु, हे, हो, डा, डि, डु, डे, डो)
आज खर्च बढ्ने योग छ, त्यसैले विलासिताका वस्तुमा धन खर्च गर्दा विचार गर्नुहोला । कार्यक्षेत्रमा केही चुनौतीको सामना गर्नुपर्ने हुन सक्छ । आफन्तसँगको सम्बन्धमा सामान्य मनमुटाव हुन सक्ने भएकाले बोलीमा नियन्त्रण राख्नु नै बुद्धिमानी हुनेछ ।

सिंह (मा, मि, मु, मे, मो, टा, टि, टु, टे)
तपाईंको प्रभाव र प्रतिष्ठा बढ्नेछ । सरकारी वा प्रशासनिक काममा सफलता हात लाग्नेछ । आयआर्जनका नयाँ स्रोतहरू फेला पर्नेछन् । लामो समयदेखि अधुरो रहेको काम आज पूरा हुने सम्भावना छ । सामाजिक कार्यमा रुचि बढ्नेछ ।

कन्या (टो, पा, पि, पु, ष, ण, ठ, पे, पो)
कार्यस्थलमा तपाईंको कार्यकौशलको प्रशंसा हुनेछ । नयाँ जिम्मेवारी प्राप्त हुन सक्छ । वैदेशिक क्षेत्रसँग सम्बन्धित काममा सफलता मिल्ने देखिन्छ । स्वास्थ्यमा सुधार आउनेछ । घरमा शुभ कार्यको चर्चा चल्नेछ र धार्मिक यात्राको योग पनि रहेको छ ।

तुला (रा, रि, रु, रे, रो, ता, ति, तग, ते)
भाग्यले साथ दिनेछ । रोकिएका धन प्राप्त हुनाले आर्थिक तनाव कम हुनेछ । टाढाको यात्रा फलदायी रहनेछ । विद्यार्थीहरूका लागि अध्ययनमा रुचि बढ्ने समय छ । परोपकारी काममा सहभागी भइनेछ जसले आत्मसन्तुष्टि प्रदान गर्नेछ ।

वृश्चिक (तो, ना, नि, नु, ने, नो, या, यि, यु)
आजको दिन केही चुनौतीपूर्ण हुन सक्छ । स्वास्थ्यमा अचानक समस्या देखिन सक्ने भएकाले सतर्क रहनुहोला । गोपनीयता कायम राख्नुहोला, नत्र शत्रुहरू हाबी हुन सक्छन् । सोचेभन्दा बढी मेहनत गर्नुपर्नेछ, तर धैर्य राखेमा साँझपख नतिजा सकारात्मक आउनेछ ।

धनु (ये, यो, भा, भि, भु, धा, फा, ढा, भे)
जीवनसाथीको सहयोगले ठूलो सफलता मिल्नेछ । व्यापार व्यवसायमा सोचेभन्दा बढी फाइदा हुनेछ । नयाँ सम्झौता वा साझेदारीका लागि समय उत्तम छ । मनोरञ्जनात्मक यात्राको अवसर जुर्नेछ र मनमा नयाँ आशाको सञ्चार हुनेछ ।

मकर (भो, जा, जि, जु, जे, जो, ख, खि, खु, खे, खो, गा, गि)
प्रतिस्पर्धीहरूलाई परास्त गर्न सफल हुनुहुनेछ । ऋण, रोग र शत्रुबाट मुक्ति मिल्ने समय छ । कार्यक्षेत्रमा पदोन्नतिको योग बनेको छ । पुराना विवादहरू सुल्झिनेछन् । मेहनतको फल मिल्नाले उत्साह थपिनेछ ।

कुम्भ (गु, गे, गो, सा, सि, सु, से, सो, दा)
सन्तानको तर्फबाट सुखद खबर सुन्न पाइनेछ । बौद्धिक चर्चामा सहभागी भइनेछ । शेयर बजार वा सट्टापट्टामा रुचि बढ्न सक्छ तर जोखिमपूर्ण लगानी गर्दा विचार पुर्याउनुहोला । कला र साहित्यको क्षेत्रमा तपाईंको सक्रियता बढ्नेछ ।

मीन (दि, दु, थ, झ, ञ, दे, दो, चा, चि)
पारिवारिक विषयलाई लिएर मनमा केही चिन्ता बढ्न सक्छ । जग्गा जमिन वा सवारी साधनको खरिद–बिक्रीमा हतार नगर्नुहोला । आमाको स्वास्थ्यमा ध्यान दिनु आवश्यक छ । केही बाधा आए पनि इष्टदेवको स्मरणले मानसिक शान्ति मिल्नेछ ।