यस्तो छ आज २०८३ असार २८ गते आइतबारको राशिफल

मेष
आजको दिन तपाईंका लागि मिश्रित फलदायी रहनेछ । मनमा अनेक विचारहरू खेलिरहने भएकाले कुनै पनि ठोस निर्णय लिनुअघि अग्रजहरूको सल्लाह लिनु राम्रो हुन्छ । सानो प्रयासले पनि विगतदेखि रोकिएका केही अधुरा कामहरू बन्ने छन्, जसले मनमा थोरै राहत दिनेछ । शत्रु पक्ष कमजोर बन्नेछन्, तर आफ्नै बोली र हतार गर्ने बानीले गर्दा काममा ढिलासुस्ती हुन सक्छ ।

वृष
आज पारिवारिक माहोल निकै सुखद रहनेछ । साथीभाइ र परिवारका सदस्यहरूबाट भरपूर सहयोग र सद्भाव मिल्नेछ । लामो समयदेखि रोकिएको धन वा कसैलाई दिएको उधारो पैसा आज हात पर्न सक्ने बलियो योग छ । सार्वजनिक क्षेत्र, राजनीति वा सामाजिक काममा लागेका व्यक्तिहरूले आज प्रशंसा र सम्मान पाउने समय छ ।

मिथुन
आज तपाईंको बोलीको प्रभाव निकै बढ्नेछ, तर धेरै बोल्दा वा अरूको मामिलामा चासो राख्दा अनाहक विवादमा पर्न सकिने भएकाले संयमित रहनुहोला । रचनात्मक तथा बौद्धिक काममा रुचि बढ्नेछ । यदि तपाईं लेखन, पत्रकारिता, कला वा प्राज्ञिक क्षेत्रमा संलग्न हुनुहुन्छ भने आजको दिन उत्कृष्ट सफलता मिल्न सक्छ । नयाँ ज्ञान सिक्ने अवसर प्राप्त हुनेछ । 

कर्कट
आज मनमा अलि चञ्चलता, तनाव वा अस्थिरता बढ्न सक्छ, जसले गर्दा महत्वपूर्ण काममा ध्यान केन्द्रित गर्न गाह्रो होला । पारिवारिक मामिलामा सानातिना कुरालाई लिएर असमझदारी वा मतभेद हुन सक्ने भएकाले धैर्यता राख्नुहोला । आर्थिक कारोबार गर्दा निकै सचेत रहनु आवश्यक छ, किनकि सोचेभन्दा बढी वा फजुल खर्च हुने सम्भावना देखिन्छ । 

सिंह
आज तपाईंको हिम्मत, साहस र आत्मविश्वासमा उल्लेखनीय वृद्धि हुनेछ । लामो समयदेखि रोकिएका कठिन र चुनौतीपूर्ण कामहरू पनि आफ्नै बलियो इच्छाशक्तिका कारण आज पूरा हुन सक्छन् । कार्यक्षेत्रमा तपाईंको कामको मूल्यांकन हुनेछ र नेतृत्वदायी वा जिम्मेवार भूमिका मिल्न सक्छ । नयाँ व्यावसायिक साझेदारीको सुरुवात गर्न आजको दिन निकै शुभ र फलदायी रहनेछ । 

कन्या
आफन्त तथा नजिकका मित्रहरूसँगको रमाइलो भेटघाट र संवादले आजको दिन उल्लासमय बन्नेछ । धन आर्जनका नयाँ र दीर्घकालीन स्रोतहरू फेला पर्न सक्छन्, जसले आर्थिक स्थितिलाई बलियो बनाउन मद्दत गर्नेछ । विगतमा गरिएको लगानीले आज उचित प्रतिफल दिन सुरु गर्नेछ । कार्यस्थलमा सहकर्मीहरूको सहयोगले सोचेका काम समयमै सम्पन्न हुनेछन् । 

तुला
आज समाजमा तपाईंको मान–सम्मान, प्रतिष्ठा र लोकप्रियतामा वृद्धि हुनेछ । नयाँ काम वा नयाँ व्यवसायको उत्कृष्ट प्रस्ताव आउन सक्छ। साझेदारीमा गरिएका व्यापारिक कामहरूबाट सोचेभन्दा राम्रो नाफा मिल्ने देखिन्छ । सुख–सुविधाका साधन, नयाँ वस्त्र वा गहना खरिद गर्ने योग पनि बन्नेछ । कला, फेसन वा मनोरञ्जन क्षेत्रसँग जोडिएका व्यक्तिहरूका लागि आजको दिन विशेष लाभदायक रहनेछ ।

वृश्चिक
आज स्वास्थ्यमा केही कमजोरी, थकान वा आलस्यपन महसुस हुन सक्छ, जसले गर्दा सोचेअनुसार कामको गति बढ्न गाह्रो हुनेछ । अनावश्यक यात्रा र दौडधुप धेरै हुनाले शारीरिक र मानसिक तनाव बढ्न सक्छ । आर्थिक रूपमा खर्चको मात्रा बढ्ने र केही नोक्सानी हुन सक्ने भएकाले आज ठूलो आर्थिक जोखिम नलिनु नै बुद्धिमानी हुनेछ । 

धनु
तपाईंका लागि आजको दिन निकै सुखद, भाग्यशाली र फलदायी रहनेछ । आर्थिक लाभको बलियो योग भएकाले पुराना लगानी वा सापटी दिएको पैसा अनायासै फिर्ता आउन सक्छ । इष्टमित्र, जीवनसाथी र सन्तान पक्षबाट कुनै खुसीको खबर सुन्न पाइनेछ, जसले घरमा उत्सवको वातावरण बनाउनेछ । शैक्षिक तथा बौद्धिक प्रतियोगिताहरूमा सफलता मिल्नेछ 

मकर
आज पारिवारिक सुख र भौतिक साधनको राम्रो उपयोग गर्न पाइनेछ, जसले गर्दा घरको वातावरण शान्त र रमाइलो रहनेछ । बाबु वा अभिभावक वर्गको पूर्ण सहयोग र आशीर्वाद प्राप्त हुनाले अड्किएका काम सुल्झिनेछन् । कार्यक्षेत्रमा तपाईंको कार्यकुशलताको प्रशंसा हुनेछ र नयाँ जागिर वा पदोन्नतिको बलियो सम्भावना छ । 

कुम्भ
आज भाग्यले तपाईंलाई पूर्ण रूपमा साथ दिनेछ । अध्यात्म, धर्म, दर्शन वा सामाजिक कार्यमा रुचि बढ्नेछ र कुनै धार्मिक स्थलको यात्रा हुन सक्छ । लामो दूरीको यात्रा वा वैदेशिक कार्यसँग सम्बन्धित कामहरूमा देखिएका अड्चनहरू सहजै सुल्झिने छन् । उच्च शिक्षा अध्ययन गरिरहेका विद्यार्थीहरूका लागि आजको दिन विशेष उपलब्धिमूलक र उत्साहजनक रहने देखिन्छ ।

मीन
आज स्वास्थ्यको विशेष ख्याल राख्नुपर्ने चुनौतीपूर्ण समय छ । सानो र सामान्य कुरामा पनि मन खिन्न हुन सक्छ वा मानसिक तनाव बढ्न सक्छ । कार्यक्षेत्रमा सोचेभन्दा बढी मिहिनेत गर्नुपर्नेछ र केही व्यवधानहरूको सामना गर्नुपर्ला । आज आफ्ना गोप्य कुरा र योजनाहरू अरूको अगाडि नलगाउनुहोला, किनकि अरूको बढी भर पर्दा वा विश्वास गर्दा धोका हुन सक्छ ।