श्रीलंकामा नेपाली कराते खेलाडीको शानदार प्रदर्शन, जिते ८ पटक

श्रीलंकामा सम्पन्न ११औँ खुल्ला अन्तर्राष्ट्रिय कराते प्रतियोगितामा नेपाल वादोरियो कराते डो संघका खेलाडीहरूले उत्कृष्ट प्रदर्शन गर्दै ४ स्वर्ण, १ रजत र ३ कास्य पदक जित्न सफल भएका छन् । नोभेम्बर १६ मा भएको प्रतियोगितामा नेपाल, भारत, युक्रेन, श्रीलंका र सिंगापुरका खेलाडीहरूको सहभागिता रहेको थियो । 

प्रतियोगितामा नेपालका यी खेलाडीहरुले पदक जितेका छन्ः 

आबिस्कार श्रेष्ठ – कुमितेः स्वर्ण पदक, काताः कास्य पदक

रियाना खनाल – कुमितेः स्वर्ण पदक

आयुश रेग्मी – कुमितेः स्वर्ण पदक

हर्सित इटानी – कुमितेः रजत पदक

जिवक भट्टराई – कुमितेः कास्य पदक

कुबेर चौधरी – कुमितेः कास्य पदक

त्यसैगरी, सेभेन स्टार इङ्लिश बोर्डिङ स्कुल, देवदह रुपन्देहीका खेलाडी सुसान्त खड्का – कुमितेः स्वर्ण पदक जित्न सफल भएका छन् । प्रतियोगिता श्रीलंकाको राजधानी कोलम्बोस्थित बन्दरागा स्टेडियममा सम्पन्न भएको हो । नेपालतर्फबाट लुम्बिनी प्रदेशका कोषाध्यक्ष एवम् वरिष्ठ प्रशिक्षक मुहम्मद अलिको नेतृत्वमा टोलीले सहभागिता जनाएको थियो ।