एसिसी यु–१९ टोलीको बिदाइ

यूएईमा आगामी शुक्रबार सुरु हुन लागेको एसीसी यु–१९ प्रिमियर कप क्रिकेट प्रतियोगिता खेल्ने १४ सदस्यीय नेपाली राष्ट्रिय क्रिकेट टोलीलाई मंगलबार बिदाइ गरिएको छ । काठमाडौंमा आयोजित कार्यक्रममा नेपाल क्रिकेट संघका अध्यक्ष चतुरबहादुर चन्दले खेलाडीहरूलाई राष्ट्रिय झण्डा दिँदै बिदाइ गरेका हुन् । नेपाली कुनै पनि देशका खेलाडीभन्दा कमजोर नरहेको उल्लेख गर्दै उनले प्रतियोगितामा उत्कृष्ट नतिजा आउने विश्वास व्यक्त गरे ।

नेपाली यु–१९ टोलीका कप्तान अशोक धामीले टोलीका सबै खेलाडीले लामो समयदेखि कडा परिश्रम, अनुशासन र समर्पणसहित प्रतियोगिताको तयारी गरेको बताए । एसीसी यु–१९ प्रिमियर कप जित्ने लक्ष्यसहित प्रस्थान गर्न लागेको उनले उल्लेख गरे ।